Го́споди Иису́се Христе́ Бо́же наш, при́зри ми́лостивным Твои́м о́ком на скорбь и многоболе́зненный вопль чад Твои́х в земли́ Украинстей су́щих.

Изба́ви лю́ди Твоя́ от междоусо́бныя бра́ни, утоли́ кровопроли́тия, отврати́ належа́щия беды́. Лише́нныя кро́ва введи́ в до́мы, а́лчущия напита́й, пла́чущия уте́ши, разделе́нныя совокупи́.

Не оста́ви ста́до Свое́, от сро́дник свои́х во озлобле́нии су́щих, умали́тися; но ско́рое примире́ние, я́ко щедр, да́руй. Ожесточе́нных сердца́ умягчи́, и к Твоему́ позна́нию обрати́. Мир Це́ркви Твое́й и ве́рным ча́дом ея́ пода́ждь, да еди́нем се́рдцем и еди́ными усты́ просла́вим Тя́, Го́спода и Спаси́теля на́шего, во ве́ки веко́в. Ами́нь.